80 сая жилийн настай үлэг гүрвэлийн ясыг хууль бусаар худалдаалах гэж байжээ

Бидний харж байгаа энэхүү зураг 80 сая жилийн насжилттай үлэг гүрвэлийн  чулуужсан яс байна.  Тус ховор олдворыг  хууль бусаар аван хадгалж байсан иргэнийг СХД-ийн Цагдаагийн I-р хэлтсийн алба хаагчид илрүүлэн саатуулжээ. 

Архелогийн ховор олдворыг хууль бусаар зарах гэж байсныг илрүүлэн саатуулжээ

Тодруулбал: Цагдаагийн албан хаагчид өнгөрсөн долоо хоногт “Үлэг гүрвэлийн чулуужсан яс зарна” гэсэн мэдээллийн дагуу хоёр этгээдийг шалгаж, 80 сая жилийн өмнөх үлэг гүрвэлийн ясыг бусдад зарах гэж байсныг тогтоосон байна. 

Уг хэргийг үргэлжлүүлэн шалгаж байгаа бөгөөд Улаанбаатар хотын харьяат Г, Өмнөговь аймгийн харьяат М нар бусдад худалдан борлуулах гэж байсан аж.  Үүнтэй холбоотой иргэдэд түүхийн үнэт олдвор, үлэг гүрвэлийн яс зэргийг хууль бусаар бусдад худалдсанаар хуулийн хариуцлага хүлээдэг болохыг ЦЕГ-аас анхааруулав.

Олдворыг ШУА-ийн Палеонтологи, геологийн хүрээлэнд хүлээлгэн өгсөн бөгөөд нарийн шинжилгээнд явуулсан гэжээ.